بقلم / عماد الأبنودي
•••••••••
الورد اتكسى م حمر خدودك
ماشاءالله عليه لونه العنابي
حسادك غاروا م رسمه عودك
و حتي القمر أهو بيعاني
قال الحقوني راح أستخبى
و أبعد بروحي كده حبه
و ادي اللي زاد كمان و غطى
خجلان مكسوف يداري عينيه
أنا واقع فعلاً في مشكلة
حيران يجي من كام سنه
أنا واحد تاني مش أنا
و لا عيبي قلبي المعضله
غنوة هوايا تقول لحنها
و يرددها ...! كتيرر عاشقين
نغمتها طالعه مفيش زيها
تغزل أوتارها أشواق و حنين
تسمع كل بلاد الكون ...
الحاضر فيهم و اللي بعيد
تعلمه .. العشق المجنون
و إحساس ازاي القلب سعيد
بالراحة عليا شويه يا قلبي
الوضع معاك كدا تمام
هتقوم بسرعة للندا تلبي
و تقوله أنا ملكك ف الغرام
دا أنت حالة متفرده
وصفها طبعاً مش عادي
ممكن تسبب ... 100 مشكله
و تسهرني معاك دوماً ليالي
سعتها هأقول فعلاً حرمت
البعد صعب و عشقي هواه
و أعلن فرماني إني دوبت
عشان حقيقي روحي بتهواه
بقلم
عماااد الأبنودي
25 , 2 , 2023
ليست هناك تعليقات:
إرسال تعليق