حبيتك حب ماكيفه حب
بعد لي حلفت منعشق في حياتي
فرشتلك صفا سكنتك القلب
وصبحتيلي أمنية من أمنياتي
بعد حلفت فالحب منزيد نجرب
جيتي انت بجنك فيا ضربتي
جن حبك غزر عليا بالضرب
بيدك شعلتي نار ڨديتي جمراتي
سلمت و قلت الله عليا كتب
تحملت ضرار عليا هانت ذاتي
قلت نريح ساعة وليت نتعذب
خايف مانتهناش حتى لماماتي
خايف نسكن قبري الموت يقرب
وندي معايا لقبري كيتي وسياتي
مرض الحب صعيب ماليه طب
شحال من عشيق مات بيه يهاتي
أوسيف قدور
ليست هناك تعليقات:
إرسال تعليق