صفيها يا خالق الدنيا والدين
واجعل طريقنا مليحة
نيتناتحشي التالي في لول
ترسى يا لوكان تطلس بالطين
والراكب يركب الصحيحة
تعرفني ماهوش راسي متكبل
هم الدنيا حاش ليا في يومين
والكبدة جاتني قسيحة
مهبولة والقلب منها راه هبل
والمهبول بحالتي يخزر بالعين
يتظلل قي تحت شيحة
هاهي هي جات عندي تتمغزل
بالدمعة تشكي هموم المظلومين
تدي من ولفها نصيحة
قالت.....
قالت:«آ بوراس سايس وستعقل
واسمعني راني مكسرت الجنحين
لوكان عطيتني طريحة
نتكاكا منها؟! وعقلي يتبدل!؟
ميموني كي هاك لبدا بين وبين
والناس تشوف للقبيحة
وانا يا بوراس كي ناسي ترحل
يهدوني فالدار عند الخماسين
من صيحة زايدة لصيحة
ماحنو قالو طفيلة تتهجل
ما علموا بالسر ديما مزروبين
باعوني بيعة الفضيحة
تعرفني مانيش كيما عملول
دايرني تاج النسا والمعشوقين
في جيبك كيما الريحة»
قلت لها...
قلت لها هاذي الدنيا يا لجدل
بدالة تشتي الناس، البدالين
وترد لبية ربيحة؟؛
راني شفت الخوف منك يتوسل
والدمعة رايبة على خدك فالحبن
تحرق بالنار اللفيحة
من طبعي صبار عمري ما نعجل
نرميها ونبدل الشينة بالزين
خدميا حد للذبيحة؟!
ثلث ميا واعقاب فالشعر مسجل
يقروها لجيال واللي مكسورين
تعرفنا حت القريحة
فاضت بالابيات والشعر، تمثل
قالو ربع حروف راهم مشهورين
نديبة ماهي شحيحة
تبقي، يا لوكان عقلي يتخلخل
عندي عشر، بزوز ونسايا ربعين
وشمة في ذاتي وطيحة
بقلم شويخ بوراس
ليست هناك تعليقات:
إرسال تعليق