لوكان جاء في جهدي
ندير جناح بيه نطير
نرفرف بيه نقاوم لرياح
فوڨ لجبال العالية نحوم
نطير طيرة بيها نحضر
نوصلك بين عشية و صباح
يهنا قلبي مانبقاس نعاني
حر الشوق شاعل ڨداني
نوصلك يا عمري ونرتاح
في رمشة عين نشوفك قدامي
تخطيني لحزان يهرب همي
نزها بحبي تكبر لفراح
نضمك لصدري ونزيد ضم
نذوق محنانك نعنڨ ونسلم
نشم روايحك العطر الفواح
ملي عرفتك هرب رڨادي
علاش انت وحدك وانا وحدي
سافر عقلي لعندك راح
راكي هانية ماحاسا بيا
عند ساعة شعلت نارك فيا
صاطو عليا جنونك برياح
بقلمي قدور أوسيف
ليست هناك تعليقات:
إرسال تعليق