مهو كله مكتوب ف الدفتر
ذكريات من زمن فات
قي كومبارس لسه عايش
وفيه أبطال منهم مات
فيها دموع وفيها شموع
فيها الأب وفيها الأم
أيام تسر وأيام تغم
دنيا تفرّق عيلة تضم
مش مسئول سعيد علي طول
مرة لحمة وشهور فول
فاكر أحلي نحنحة بتاعة أبوك
وصوت مفاتيحه المفرحة بيسعدوك
جاي من شغله والصمت دام
راح يتغدي وراح ينام
مفبش صوت عيّل
أبويا بيأيّل
وأمي قائد تاني البيت
كفاية لعب كله يذاكر
نسيت الواجب وللا فاكر
عمري ماشفت باب مقفول
أهلا وسهلا محلا القول
الضحكة صافية
وقلوبنا دافية
اقعدوا بالعافية
والعواف
كان في قناعة بلقمة حاف
كان في مكارم الأخلاق
لبس الأدب علينا لاق
الحي كله لعشرة داق
الجارة خالتي والجار ده عمي
والبت أختي والواد دا دمي
دولة كانت صغيّرة
وزارتها كانت محيّرة
فينك يادولة
ليه دلوقتي عايشين علاولة
ليه علاقاتنا بقت مقاولة
شيلني يللا وأشيّلك
حبني يللا وأحينك
معاك ملاك
مفتوح بلكونة والشباك
الكل يغني أنا بهواك
ولو فلّست
كده غلّست
إلي الهلاك
إيه السبب ؟
ياللعجب
اختلاف ف التربية
لازم فلوس والعربية
مفيش محبة
وحبة حبة
ماتوا الأحبة
عايشين معانا مصلحجية
أنا مش ناسي أنا لسه فاكر
وكاتب كله ف الدفاتر
فاكرني شاطر
محدش عامل للعشرة خاطر
هشام سليم
شاعر الحرافيش
ليست هناك تعليقات:
إرسال تعليق