يالجافيني بغير سبه قولي وعلاه
جاهيتك بالله غير عطيني لسباب
غير خبرني بسبتك و ڨولي كيفاه
قـايل الحق في حياته مــــا خاب
قولها بدا ســــل سيفك مـن جواه
الصراحه حتى هي تعالج لعطاب
الـجفــــى بـلا سبــه واش مــعناه
كي تنعرف السبه مايهم لي غاب
ما يكثر سوال ماتبقى فيها كيفاه
أذكر سبتك بلاك لا تكونش كذاب
يــلا بيــك تعيـيـني يسامحك اللــه
يـلا راني ظـالمك نـرجع لـصواب
يـلا بيك لالا أنــــا مــانڨولش واه
التاليــه عــندي ليك فيها جواب
لا حبيب كسب حبيب شغل شراه
في ذالحال كيف يتسماو حبـــاب
سوال واحد فالحرف كاين معناه
كونك فصيح نطق عطيني جواب
كـــلامي مقصود راه عنده تجـاه
جاوب يامقصود القصيد بعقل الرتاب
أوسيف قدور
تحياتي و تشكراتي لكل طاقم سارية القلم على النشر و التوثيق
ردحذف