الله غالب ماقدرت ننسى الماضي
والكيه القديمه راهي تنعطب
حسنو عواني مانيش غرضي
يالايمين هذا يسموه الحب
حب الحبيبه مازال فالقلب محضي
كي نتفكرها نولي لحروفي نكتب
كي نتفكرها يزيد عليا مرضي
هذ المرض لي مالقيتله طب
كي نتفكرها يزيد عليا غيضي
تزيد نيران شوقها فيا تلهب
سيلي يادمعت العين فيضي
زيد تكوى بالقلب و زيد تعذب
كانت اول ملكه غزات أرضي
سلمت ليها وماقدرت نحارب
فاوضتها ونجحت في تفواضي
تفاهمنا ورسمنا حدود الحب
بيا رضات وانا كنت بيها راضي
ستسلمنا لبعضنا وقفنا الحرب
كانت زوجتي خاص غير القاضي
بعدها تفارقنا والله الغالب
تمنيت نشرب ماها وتروى من حوضي
ونسيرو مع بعض مسلك الدرب
راحت هي وباقي غير الماضي
باقيا ذكرياتها في داخلي تثڨب
يلايمني لاش تلوم مانيش غرضي
لا تزيد عليا ملامك راني نتعذب
حبها مازال رناته في نبضي
ماني قادر ننساها ما نكذب
أوسيف قدور
ليست هناك تعليقات:
إرسال تعليق