الشاعر: محمود القطوعي/ كتب/ وحنا صغيرين

وحنا صغيرين..

شعر الأستاذ / محمود القطوعي..

فاكر لما كنا ..

وحنا صغيرين..

والحياه تقابلنا..

والناس الطيبين..

العيون ليها معنى..

وكنا قريبين ..

ولا يورد يوم..

ف خاطرنا تلعب..

بينا السنين ..

طيرنا الطيارات..

وركبنا الدرجات..

وسبقنا العربيات..

ورسمنا فوق الشجر..

قلوب وسهام وحاجات..

وكلمنا القمر ..

وطيرنا مع النسمات..

وفرحنا بكل غنانا..

وصاحبنا السهر ويانا..

وركبنا المراجيح ..

وضحكنا لنور السحر..

واملنا كان بيكبر..

وعمره ماكان يعتذر..

وهدومنا اما تتعفر ..

واحنا جوه الحفر ..

ننفضها باءيدينا ..

ونجري ولا نفتكر..

شعر الأستاذ/ محمود القطوعي..

ولعبنا بنلعب بيها..

ومسلينا القدر ..

وكان منظرنا جميل..

وهدومنا فرحانه بينا..

وقلوب الدنيا تميل ..

ولانعرف ايه جري لينا..

عايشين بقلوبنا الخضره..

ولانحسب يوم خطاوينا..

ف البيت نرجع وناكل..

يحضنا اللي مربينا ..

امنا وابونا الكرام ..

ونروح نزور اهالينا..

وكل شيء كان تمام..

والقلب منور بينا..

تسبق الضحكه ..

دموعنا ..

ولا ايه كان مستنينا..

والوقت مر العمر..

وتمر الأيام ما نسينا..

وتغيرت احوالنا..

اتفرقنا وقسينا ..

لا عرفنا فين روحنا..

ولا شوفنا يوم امانينا..

فاكر لما كنا ..

وحنا صغيرين..

والحياه تقابلنا..

والناس الطيبين..

شعر الأستاذ/ محمود القطوعي..