.....................
حد زراك،،،،
فى العيد يا عمة
ولا الكل نسي وعدى
ولا الي هجر ولا سافر
وضاعت اللمة
حد زارك،،،،،
ولا الديار صبحت خراب
والكل انشغل فى الحياة
ونسيوا الاصول،،،
ومعدش يزورك
غير الاموات
والصور ألي باقية
على الحيطان
يدوب بنفتكر صورهم
ونتصعب ونتعجب
ونفتكر زمان
هى دى الوصايا
ولا كان كله كلام
هو ايه ألي حصل ياعمة
...........
يابني الي حصل
لا يتقال ولا تعاد
انا اه قعدى لوحدي،،،،
بندب اه حظى،،،،،
من يوم ما سافر
الاحباب وانا فى انتظار
كل ما الباب يخبط
يترتد فيه الروح
واقوم زى الحصان
ألاقيه ابن الجيران
ارجع تاني ،،،،،،،
واه انا فى انتظار
لما يجوا يزورنى
فى العيد ألى جاى
ياريت بس يفتكروني
ويدقوا عليه الباب
....ً........
محمود خلاف
جمهورية مصر العربية
ليست هناك تعليقات:
إرسال تعليق