جلول
ما حاسب للعقول كفة ...توزن اقليلها وياسر
ولا نعرف ذيك حرفة ...عند الطبة والمخابر
تعرف بيها قلوب تجفا ...بعقول كبيرة تفكر
وزنة عقلي بعود قرفة ...قالو عني انت الخاسر
ما يسوى فالسوم جلفة ....وما يملااذاملا معابر
قالو ملي بقا الكرفة ...ما يصلح لا تزيد تهدر .
البدوي
قالو راسك بيه خفة//المخ اللي فيه باير
اعدل ياخويا الدفة//والفلك مع الريح ساير
جلول
قالو عني خفيف حفة ...نسمة ومعاها تساير
وزنك وسط الدوم ضلفة....ريشة طرف جناح طاير
ولا وسط جيوب صرفة .. تدحيها بقشيش مخمر
جلول
نار بجوفي بدات تلفى ..طال القول عييت صابر
البدوي محمد
طلع مابجوافك اخفى// يتجلى للناس ظاهر
جلول
امشى عودي لطرف علفة ...وتعنقت ام المناخر
شكون يسالني حسيفة ...يخرج للميدان يحضر
يديها وحدة ظريفة ...يضحى من اهل المقابر .
البدوي محمد
يديرها فارس ولد شرفة// ويطعن بالبعمة الميامر
يبهز الا بفرد لكفة// ويعلا منهو طير طاير
البدوي محمد
توالمني بنية خفيفة// مهبولة تبغي الشاعر
جلول
لا تحقر عبد لا تكلفا ...كذا من مخلوق عامر
سلم تسلم يا العيفا ...لا تلقاها نار تزهر
البدوي محمد
ذي بواريد تلغى كثيفة// وفي الهيجا لابا نعافر
واش تهجي في حد جيفة// غلق نيفك وتم عابر
جلول
قلب البدوي كمال واصفا ...من ناس الحرمة وشاعر
بكلامو لجبال تدفا .....وباخلاقو نجوم تسهر
اسمح لقندوز تكلفا ....وازلج قدام شيخ شاعر
البدوي محمد
وسي جلول عمرو تكلفى// ولا هو في الصيفة مكابر
كريشي من خيام شرفة// اهل الجود بيها تفاخر
ياك حنايا صحاب حرفة// وهذي قصرة امن التقاصر
لا نا شيخ ونت الخلفة// الا لثنين في بحر غاير
01/06/2022
ليست هناك تعليقات:
إرسال تعليق