يعني خير؟ يعني يُمن؟
يعني نُص؟ يعني رُبع؟ يعني تُمن؟
أمن يعني أساس
أمن ياناس إحساس
تحسه كل الناس
الأمن ف قلب البشر
ف نبض القلب انتشر
الأمن مش ف شرطة
ولا سيوف وبنادق
مش سلام من ورطة
ولا حماية ف خنادق
ولا أطفال ف ملاجئ
الأمن ضمان
للكيان
دولة ف قلب شعبها
شعب ليها يحبها
يضحي بعمره لأجلها
يعظّمها
يجلّها
محدش فيه يتحكّم
ولا عليه يتهكم
هوه اللي يحكم
بالدستور
ميشفش ضلمة
يعيش ف النور
ينسي ريحة الزنازين
لو يوم يقول كلمة حق
يبقي الزين يبقي رزين
يقدر ينطق كلمة لأ
يبقي الأمن هوا نتنفسه
طاقة حب بتونّسه
وسام ع الصدر
تاج ع الراس
ف ليلنا بدر
ف نهارنا شمس
لحياتنا أساس
الأمن مش فهلوي
شئ معنوي
عمره ما كان عسل وسمن
أنت فين قولّي ياأمن
هشام سليم
شاعر الحرافيش
ليست هناك تعليقات:
إرسال تعليق