والكل بيغنّي
والقلب ياما انشرح
وعريسنا متهنّي
دقوا الدفوف بالنغم
واسمعوا مني
عريسنا ساب الألم
ولفرحه مستنّي
جاتله عروسة قمر
حتحطه ف النني
ودّع ليالي السهر
حيحب بتأنّي
دي الليلة ليلة فرح
والكل بيغنّي
الليلة ليلة جميلة
ولا ألف ليلة وليلة
عريسنا خدّها أصيلة
وعيونها حلوة كحيلة
طب حطها ف عنيك
وإيدها تحضن إيديك
ولا تزعلها يوم
اطعن قلب الهموم
خليك أخوها وأبوها
واحترم مين ربّوها
وانتي ياحلوة ياخِفّة
يامنوْرالنا الزّفة
حافظي علي جوزك
ده ف أزمته يعوزك
حافظي علي شرفه
وإياكي زعله وأرفه
ليْهِج ويسيبك
حافظي علي نصيبك
وتصوني أسراره
وتنوّرِي داره
وتصلحي حاله
وتربّي ف عياله
وسدّي ياحلوة ودانك
لو واحدة قالتلك خانك
بيضحي كتير علشانك
للود مستنّي
بس اسمعي مني
دي الليلة ليلة فرح
والكل بيغنّي
والقلب ياما انشرح
وعريسنا متهنّي
ده عريسنا متهنّي
هشام سليم
كنج العربي
شاعر الحرافيش
ليست هناك تعليقات:
إرسال تعليق