حتى الحجر يتفت وبماه راه يسقيك...كاذا عيون تفجر ماها من الصخر
بلاك لا تتكبر راه لكبر يعميك....يعود حالك ناقص فالدين و العمر
حافض على أصلك بلاك ينغدر بيك....جميع من بتنصل م صيل ينكصر
كون راضي عاقل راه لجهل يفنيك....بطمع تتلاشى فالعين تنحڨر
كون راضي رزقك ربي ياسر عليك...ولا تونكش حاسد للناس ماكثر
كون مولى نية راه زمان يغويك...ولا تكنش مولى حيلة تنڨشر
كون مولى خصلة بالكُرم راه يغنيك....ولاتكونش مكراش تلز للوعر
كون صادق بلاك الكذب قي يعييك...ولاتكونش بين جياح تنقهر
كون وفي بالعاهد لا ينكسر بيك...ولا تخالف موعد موحال تنجبر
كون صابر للحق يعيي ويحميك...ولاتكونش عجال طيح في بحر
كون مولى الكلمة في وجه من يلاقيك....ولاتكونش فالقيب حبيب من هدر
بلاك تظلم راه المظلوم حين يدعيك....دعوته مسمومة كالسهم تنغزر
كون مولى السر حبيبك ومن يعاديك....سرهم امانة بلاك ينشهر
يوم ودع سره كان حبيب يبقيك....واليوم قدر ربي الفراق جا كدر
هاك ربي وصى والنبي مريك....هذي دنيا مادمت للي جبر
مدام فيها فرعون اللي كان مليك...كان يحسب رووحه رب اللي عشر
مزال ڨاعد عبرة ياولدي نوصيك.....حتى اليوم الفانة يبقى بلا قبر
هذي دنيا مادمت حالها يعييك.....وزيد شوف النمرود الي طغا كثر
شحال يكسب قارون طغى على صعليك....مفاتيحها بالعصبة وقصورها وعر
وين عاد ثامود القراءن يوريك......نحتو جبال وخلواثار تنذكر
وقوم لوطى وونوح بتاريخها تبكيك ...... شحال عاشو قورون حوالها كثر
كل واحد ودا جزاه ڨال لبيك....ذا كلاته لرض وفرعون للبحر
هذا كلاه الطوفان قضا لكل مشريك.... وهذا الربح العاصف باليالي حضر
كلها للفانة يبقى لا المليك....مادوم دنيا القورون تنكسر
ياالله ياربي يالكريم دعيك.....ياالله تحفظنا مالجهل والغدر
كون لينا معين حفض ورجى فيك......حالنا ياربي برجاك ينصتر
بصلاة وسلام على الحبيب نبيك.....سيدنا محمد شفيع فالوعر
الطيب حاكمي
ليست هناك تعليقات:
إرسال تعليق