الصيام لم يشرع ليشعر الغني بالجوع فيحسن إلى الفقير
(طيب لو كان ده السبب كان الفقير مصامش هيصوم ليه ماهو صايم على طول بسبب فقره)
ومحدش يقول لي للحفاظ على الصحةلأن مش شرط تكون صايم عشان تحافظ على صحتك فكل فرض مأمور به العبد عليه السمع والطاعة والتنفيذ ولا يتعب نفسه في البحث عن الأسباب التي شرعت من أجلها الفرائض
مثل تحريم الخمر لذهاب العقل طيب ناس أدمنت لدرجة الشرب وعدم التأثر
لحم الخنزير والميتة وغيرها من المحرمات كلها الأمر بالاجتناب وتحريم الأكل والشرب من الأشياء التي حرمها المولى تبارك وتعالى
ده أنت عندك حديث لو طبقناه بجد مش هتلاقي ٩٠ ف المية من الأمراض الموجودة دي
حديث ما ملأ ابن آدم وعاء شرا من بطنه فإن كان لامحالة فاعلا فثلث لطعامه وثلث لشرابه وثلث لنفسه
وحديث نحن قوم لانأكل حتى نجوع وإذا أكلنا لانشبع
طبعا والآية الكريمة وكلوا واشربوا ولا تسرفوا
صدق الله العظيم
وصدق رسوله الكريم
الصيام الحكمة منه في كلمتين ( لعلكم تتقون ) بس دي الخلاصة ومعنى التقوى:
تخافوا من ربنا تخافوا من معصية ربنا
تخافوا من عقوبة ربنا
تخافوا من غضب ربنا
متحاربش ربنا بالربا
لأن ربنا قال فأذنوا بحرب من الله ورسوله
ومتدخلنيش في دوامة التعامل مع البنوك حرام ولا حلال دي مش قضيتي لو اتعاملت عندك دليل ورأي ف الفقه لو امتنعت برضه عندك دليل ورأي في الفقه والمسألة محل خلاف لا أعنيها ولا أتحدث عنها
الربا الصريح معروووف للجميع أعطني ألف
حاضر بس بترجعهم ١٢٠٠ دي الصورة الأصلية للربا
تبقى عارف أن ده حرام وتعمله فين االتقوى ؟
تبقى عارف أن ده منكر وتقترفه فين التقوى؟
تجتهدوا في الطاعة
على قدر ما تطيقون فاتقوا الله ما استطعتم
وأكثروا من قراءة القرآن فهو العصمة وهو النجاة وهو الحبل المتين
وأكثروا من الاستغفار فهو سلاحك في مواجهة الشيطان
وكف لسانك وغض بصرك واحفظ سمعك ولاتكن من الغافلين
طه هيكل
ليست هناك تعليقات:
إرسال تعليق