بقلم شاكر محمد المدهون
آه كأني واح تاني جوا مني
حزن كاسح هودايما بيلازمني
عين أسيرة وروح كسيرة
والسهاد من النوم حارمني
ولما أشكي قلبي دايما يخاصمني
والدموع تجرح والهموم تاكلني
ولو في مرة فر دمعي يعاتبني
ألقى روحي بعدها بتحاسبني
هو الجرح في وللا في اللي جنبي؟
كلنا صرنا واحد غصب عني
أشكي جرحي جرحه ينزف جوا مني
في بلادنا السيادة للي يبني
قبر واسع للغلابة بالتبني
في عيون الحزن دمعة بتناديني:
أسمع مني يابني أنت مني
من همومك يتبنى عظمي وكياني
لولا انت كان الحزن يخاصمني
مولودين انا وانت ساعة واحدة
بطن واحدة جمعت بينك وبيني
آه كأني واحد تاني جوا مني
تفتكر لو في ليلة يصحى مني
عزم قادر يبقى غادر جوا مني؟؟
-----------------------------------------
شاكر محمد المدهون
ليست هناك تعليقات:
إرسال تعليق