الحلو الأسمر بعتلي صورته
بلون عنيه وخصله من شعره
طايره حواليه
شوفت صورته وسرحت فيه
نجومي وقمري جوه عنيه
ولمحت فيهم شمسي
وشكلي ويمكن ملامحي
احترت ده ليه
أترسمت صورته فى خيالي
وشوقني ليه
فكرت أروحله سرحت
فيه يمكن أرتحله
وأتهنى بيه
وأسكن فى قلبه
وأعشش فيه
شوقنى ليه
لو شوفته مره أو لمحته
ح أتغزل فيه
وأحكيله عن صورته وجمال
عنيه وخصلات شعره
وظلال عنيه
ومشيته ويا ملامحه
و كمال تقسيمته
ويا أبتسامته قولوي
فين الاقيه
يمكن أصادف عطف
فى مشاعره تخدني
ريحها للي أشتيهيه
ده نجم عالي ولا فى الخيال
وقمر هلالي صعب المنال
فى قصر عالي فوق التلال
أشتقت أبوح له قولت أروحله
بعتلي صورته بلون عنيه
وخصله من شعره
والعطر فيه
وشقاوة ملامحه
بانت فى عنيه
شوقني ليه
صورته فى خيالي
وبدور عليه
بقلم د/ حسن عامر
ليست هناك تعليقات:
إرسال تعليق