الوصوليون
1
هالحياة طلوع نزول
يما قاتل او مقتول
او بتكون بالجنة
اما بحكم المرزول
2
لما يكتر دقيقك
بحبك خيك ورفيقك
بصير الكل صديقك
يصول بعرينك و يجول
3
انت المرجع و العنوان
بالحاضر افضل انسان
عن حالك منك سئلان
ما الو نجمك افول
4
لمن زيتاتك بتشح
معجنك بصبح بح
بتنتفي افكار الصح
بتصير الشخص المخذول
5
والهربان لمْ بعوزك
بيركض بعبي كوزك (ابريق الماء و هنا للتشبيه)
بلكي قوي نفوزك
بتصير بالعالم مقبول
6
للخدمة انت العنوان
انت المرجع و النيشان
ما بتطرد حتى الجيعان
انت العاقل و المعقول
7
بيتك بيرجع مسرح
المتزلف يسرح و يمرح
صديقك الو مطرح
بالرعاية صار مشمول
ملفينا ابومراد
ليست هناك تعليقات:
إرسال تعليق