..............
كان زمان
القلوب صافية
والنصيحة بأخلاص
والكلمة عهد متوثق
والخطاوى للخير ماشية
والكبير له أحترامه
وكلمتة سيف وتتقدر
والطيبة على الوجوه ظاهره
والبسمة على الشفايف وردة
والطفل له الف اب وعم
شايل همه
والبنت ان نامت الكل حراسها
والشرف غالي
وان ترفع ثوبها بالحنان تتغطى
وتتطلب الكل لطلبها يلبي
وشرفها تاج على الكل مرفوع
وان حضر عليها الليل
الكل شايل ليها قنديلها
كان زمان،،،،،
الخوف ملوش بينا مكان
والحقد من القلوب منزوع
وفى العصاري الكل يتجمع
على كوب شاي وتبدأ الحكاوى
والكل سامع الكلام ويتعلم
وعمى عثمان مريض
يلا بينا نشوفه
وجلال مسافر نسأل عل اهله
وعبد السميع بيخطب لأبنه
يلا بينا نباركله
وصفيه جوزها مريض
بينا نروي زراعتها
والشيخ عتمان بيشرح
درس فى القرأن للاطفال
وليه الحاج احمد عدى
من غير مايرمي السلام
لازم فيه عله،،،،،
يلا بسرعه نشوف أيه مزعله
وان كان محتاج نقود نسلفه
كان زمان،،،،،،
كان الضمير صاحي
والحق صوته عالي
وان سالت الدمعه
تسيل على غالي
امانه يا زمان
نسيني زماني
بعد ما ضاع الاحترام
وبقى المقتول هو الجاني
............محمود خلاف
جمهورية مصر العربية
ليست هناك تعليقات:
إرسال تعليق