اسامة ابو الليث
سباطي ماهوش سباط الخطرة
ومهركل ومڤطعين ڤفالاتو
جلول
يتقطع فاليوم كذا من مرة...
يسمح فيا يروح كيما ولاتو
مرة في حفرة ومرةفي حجرة...
وكراعي مسكين كثرو نطحاتو
احمد شتوح
وين نسير طّيحلي منو نترة...
من ماعز مصنوع سالو مولاتو
جلول
ذا حال المسكين والي فقرا...
ماعندوش المال يطفي ليعاتو
وين انتو ما يا الرجال أهل النعرة..
نتعاون عالفقر تمحى جراتو
نشريلك سباط في هذا المرة..
كان تعاود راك تعرف زلطاتو
اسامة
يكون امڤمح زين يسبي من نظرة
كي نعول نلڤاه هو في ذاتو
جلول
خير واحد كان من جلد البقرة...
.جلد العنزي ما يجيش لصنعاتو
ولا من جلد النمر ولد الهرة...
ولا مالتمساح من خارج جبتو
اسامة
ظني جلد بعير لابي في الصحرا
يكون متين وزين سفينة في ذاتو
نمشي نايا بيه منا للظهرا
شور عمي جلول نظلو ونباتو
جلول
نفرح بيك نقول ما جابت لمرا...
ولد اماصل جا وعندو كلماتو
نعملو فيها عشا مع القصرة..
نتقهواو ونزيد لاتاي بذاتو
جلول
ونزورو جومانتري ام المهرة....
اصل الخيل بلادنا بيها نهتو
تيارت لا بغيت تمشي للظهرة....
كرم وجود هذاك هي رباتو
بعد تيارت نقصدو بر الصحرا.....
نزورو دحو فالزمالة سكناتو
يا اسامة يا بني هذي قصرة....
طال علينا الليل نمضي اوقاتو
جلول قيايدة
😁😁
ليست هناك تعليقات:
إرسال تعليق