أشكى لمين حالي و الكل مجروح
عايم فى بحر الغدر و القلب حزين
صوت الحق عالي لكن مخنوق
جوايه ضحكه مكتومه عايزه تخرج لكن
لكن لمين تكون و الكل حزين
صوت الدموع بقى أعلى منه مافيش
كانوا الأمل لينه فى يوم من الأيام
كانوا نور عنينا و إحنا كنا ليهم خدام
زمن المحبة راح و إنتهى و صحينا على الأوهام
الصبر منا مل و مات على غصنه
أه يا زمن كله أوجاع فيك الكدب بقى عاده
أما الصدق بقى عمله نادره و يمكن تكون معدومه
و مهما ننصح مافيش حد يسمع و لا حد يفهم
حتى القريب أصبح سكينه فى أيد عدوك
وزى المثل ما يقول سكينة الحبيب تقتل
أما سكينة العدو تجرح
لكن أرجع و أقول لازم يكون فى أمل
يا ترى هيجي يوم و الضحكه تخرج و تعلى
يا ترى الحق هيرجع لأصحابه
بجد نفسي الضمير إلي مات يصحى من جديد
و أرجع و أقول إحنا علينا نتمنى
لكن ربنا على كل شيء قدير
الكاتبة / هناء البحيرى
ليست هناك تعليقات:
إرسال تعليق