مش ح اقولك تانى عايزك
واتحايل عليك
ولا ح اعاتبك واترجى فيك
حبيتك من قلبى وعملت
اللى يرضيك
ابقى افتكر إنى باقى عليك
وانت اللى بتبعد وانا بناديك
ح يجى يوم وانسى اراضيك
واتوه عنك ولا اسأل فيك
ويعز عليا الفراق وانسى
اراعيك
مش ح اترجاك
ما انا كنت مشتاق ومش
لاقيك
وقلبى نادى بكل إيمان بيك
كان راضى ومستنيك
والحنان عز عليك
إياك تلومنى لو الشوق نداك
مهو انت اللى نسيت هواك
مش ح اقولك تانى
واترجاك
حتى لو خدت قلبى معاك
برضه ح انسي فى يوم
هواك
ومش ح اسامحك واحن
للقاءك
ومهما كان جرحى انا
مش ح اترجاك
بقلم حسن عامر
ليست هناك تعليقات:
إرسال تعليق