و الظلم ثار
ولعها نار
بلاش دمار
و اسكت يا عم
شبعنا تار
ذل و عار
خراب و مرار
هم و غم
قوى جار
و الغلبان محتار
عمره طار
و حياته هم
يقعد ف البار
ألف حمار
حواليه كتار
للعار يتلم
يقتل و صار
فتوة جبار
سرقة و دمار
و العقاب تم
للمظلوم و الجار
و الجانى سار
حواليه انصار
ببكرة يحلم
مفيش حساب
و لا حق جاب
لناس أغراب
ببلدهم وهم
عاشوا ف عذاب
و القلب داب
ما لهم أحباب
عصب و لا دم
قانون الغاب
ينهش أصحاب
يقتل شباب
يحى الألم
فقير يموت
و عمره يفوت
ليه السكوت
و حياتنا عدم
هو أنت ايه
باشا أو بيه
تتكلم ليه
لنا الأيام
بالواسطة نروح
نقتل روح
ريحتنا تفوح
براءة يا سلام
و الحق فين
ضاع المسكين
بتبكى العين
الفقير اتظلم
مقتول مخنوق
منهوب مسروق
بالنار محروق
حقه راح تخم
الحق ضايع
يتيم جايع
أيده رافع
ربك أكرم
تعبنا يا ناس
مفيش إحساس
كلاب حراس
ظلمونا يا عم
و البيه رئيس عصابة
إبنه قاتل غلابة
عايشين ف غابة
و لا حد لينا اهتم
سرقوا منا الأعضاء
و زوروا لينا الأسماء
طبيب باطل بغباء
و منهم راح الشم
الفقير حقه يا هوو
يا عالم ارحموه
يتكلم يخرسوه
مات الحق يا عم
مات و كفنوه
و الضمير اعدموه
و لساننا قطعوه
و بقى حالنا يغم
هى دى الحكاية
و القصة و الرواية
و نعيد من البداية
المر لحياتنا الطعم
أشرف سيد أحمد على
ليست هناك تعليقات:
إرسال تعليق