...................
عايش ومش عايش
ضاع منى الاحساس
حتى البسمة بقت كذبة
والدمعة بلا احساس
وشوقى للذكريات
ندم وعذاب
والوحدة صاحبتنى
والكلمة نفاق
والنظرة تايهه
بين دمع وجراح
واحباب هاجروا
مش باقى منهم سوى برواز
بلا روح ولامعنى
وايام صبحت أسية
وحياة زى التروس دايرة
وديسانا بلا رحمة
واحلامى صبحت
صور باهته
وسفر بلا مواعيد
وسلام من بعيد لبعيد
عايش انا ولا عمرى أنقضى
دى دنيا ولا غابة
والناس صبحت ديابة
وقلوبهم صبحت حجارة
محمود خلاف
جمهورية مصر العربية
ليست هناك تعليقات:
إرسال تعليق