............
زمن الغربه جوانا عايش
لا مكان ولا زمان يقربنا
غربه فرقت كل الحبايب
زرعت فى القلب
الدمع والحيره
وبحور من الهم والغيرة
رفعت حوالينا
ستائر النسيان
وشوهت الاسم والصوره
كنا زمان عايشين فى دار
وكانت كلها حب وحنان
وكنا مجمعين على طبلية
ولقمه تتقسم على ميه
ومية فى القله من ترعه
تروى ظمأ العطشان
زى ما روت ارض الجيران
وسهره فى الليل الصافى
على صوت ام كلثوم
وكوب من الشاى
وكلام من القلب
خالى من الهم
وقرأن الفجر
على صوت رفعت
يبقى العيب فينا
مش فى أيامنا وليالينا
نيسنا الحب الي كان
نسينا احلى الكلام
نسينا الصحبه الجميله
وسكن جوانا
الشك والغيرة
اه يازمن الغربه
فاضل لينا ايه
فى زمنا تانى نبكى عليه
....................................محمود خلاف
جمهورية مصر العربية
ليست هناك تعليقات:
إرسال تعليق