بقلم
محمد فوزى
وعدتنى الدنيا
تفرحنى شويه
قبل ما اموت .
واحس فيها
انى
سعيد مبسوط .
وانى
ليه فيها قيمه
وليه فيها صوت .
وبسمع صداه
فى الملكوت .
صوت فرحان
صوت حزين
صوت أنين
مش مهم
المهم صوت .
لكن
دايما الحلم
كان جوايا
مكبوت .
والدنيا بتستعذب
معايا
لعبة الجبروت .
انا راضى يا رب
والله
ده مش قنوط
ولا كفر ولاعباده
للطاغوط .
لكن كان عشمى
فى الدنيا
توفى الوعد
والدين اللى
طول العمر
عنه مسكوت .
فياهل ترا
اللى ماشفتو
فى الدنيا
هشوفو
بعد ما اموت .
ولا خلاص
معدش الحلم
له لزمه .
ولا الصوت
هيرن صداه
فى الملكوت .
وبعد ما عشتها
بطولها وعرضها
جبروت
فى جبروت .
هيفضل
وعد الدنيا
للخلائق
طول العمر
عنه مسكوت .
محمد فوزى
ليست هناك تعليقات:
إرسال تعليق