*********
إرسم حلمك فى الحياه
سهل إنك انت تحققوه
قول الكلام اللى البشر
يقتنعو بيه ويصدقو
احلم تكون من غير جنون
ماتجيش تقولى نفسى أكون
عصفوره عايمه فى البحور
او سمكه طايره على الشجر
وتقولى شمس منوره كل الليالى
أو بالنهار ضى القمر
إحلم تكون إنت القمر
اللى ينور الظلام
ولأجل ماتفضل قمر
عمرك ماتقبل يوم حرام
فكر فى حلمك وإرسمو
ووعاك بعندك تهدمو
وان غبت عنه فتره عادى
إرجع لحلمك كملو
طول مالأمل موجود جميل
مافيش فى حلمك مستحيل
تحياتى /
مدحت لطفى عبدالعال
ليست هناك تعليقات:
إرسال تعليق