قلت لها كوني امرا يا بنت ارجال ..وخلي قلبي ليك عايش فثمالة
قالت ما نبغي الراجل كيف نعال...عايش تحت اقدام يمنا واشمالة
نبغي ولفي يكون من شيمة لبطال...يمشي وست القوم نارو شعالة
تعميني بشعاعها من شوف ارجال....وتسبي قلبي ما نكونش بدالة
قلت لها يا بنت نايل طال الحال...ما طقت على الفراق صعبت لمسالة
نوصي فلي راح واللي جا ي نسال...كيف احوال نجوعها فالشلالة
قالو لي ماتوصل لهم ذا موحال...ناس الكرم وجود فالاصل اقبالة
وانا قلبي شاب واوصل الميجال....قدو عني رايكم يا عوقالة
ما طقت على هجرها وافراقي طال... شاب الراس دموع عيني سيالة
........
اسكن لي شيطانها فالبال....نساني حتى البسملة
بايت في سهرة الليل اطوال....عقلي مالتفكار في حالة
نستنا وقتا يبان الحال...نطعن سوق الحب ودلالة
ندفع عنها ما اكسبت من مال....ومن عمري نفديك يا طفلة
ادات من النط جدي غزال....وزادت منو العين قتالة
وادات من النخل كي يطوال....ودارت منو وشم سيالة
نبتو لو تفاح فلميجال...كاف محدر صعب من والة
سالف خيط احرير فالتخبال....واحواجب نونات تتعالا
والقلب المسجون شد احبال...وارماتو في امواج جهالة
ادات مالخوال شيم ابطال ..وادات من الجدود اصالة
وادات من العشق فن دلال....تشفي بيه القلوب معلولة
حربية وتواجه السؤال.. ما تصعب لها المسألة
يعجبني في حبها لفعال...كان غلطت تقولي لالا
سكنت ومتسلطنة فالبال....واسكنت انايا الشلالة.
جلول قيايدة
ليست هناك تعليقات:
إرسال تعليق