وشرد عقلي يالخوة م راسي طار
02 من نظرت عيونها لوين الهربة
محتوم عليا نهجر يامدبلت لشفار
03 نهرب من وكرك يامراة ونتيا سبة
ومانعشر من غير وكرك اوكار
04 نعشر لضراح ونندفن تحت التربة
ومتمني تكوني حاظرة وسط الحظار
05 دوايا مايعرفوه لا طلبة ولا طبة
وهاذ المرض خلاهم في تحيار
06 خليتني نجهل حتى في الكتبة
نكتب ونفاصي حتى جفت لحبار
07 ذحالي يافاهم قداه ديت نضربة
مدقدقني غرامها ومكسرني تكسار
08 وحليل الي ذاق من كاس المحبة
ولي حبيتها شربتني كيسان مرار
09 والله ماقديت وقلب مالحزن تعبى
وياطفلة مشتاق نضحك غير نهار
10 الماء ما يطلع لا شنق العقبة
ويرجع للوطة يتلم ويحجار
11 سال الي مسكين ماتت فيه الرغبة
وسال الي تمحن يعيدلك لخبار
12 سال الي فخظن حبيبته تربة
مثل صابي في حظن امه يكبار
13 سال الي خليلته طولت الغيبة
وسال الي فقلبه كاتم لسرار
14 ونا مالومك ونقول درتي بينا الحجبة
ودرتي حيط الحية وعليتي لسوار
15 سعدي الي زرع النية وجاته صابة
وياويح الي حصد الشوك مع النقار
16 ونا في زرعي ماحصدت حبة
صدقت غير الدفلى شعشعة بنوار
17 عشرين سنة مزلت فعمر الصيبة
والي شافني قال مابقله فالعمر نقار
18 انا سبابي قلبي شيبني شيبة
وليت فوسط صحابي ضحك وتقصار
19 كاتب ذو لبيات داخل غيبوبة
يتألم ماجبر لجرحو غيرك جبار
20 ياخضرة لعيون راني في غلبة
ماقولتي حرام عليا عيب وعار
21 نطلب ربي يهنيك لا عندي طلبة
تتزوجي وتتهني ديري ذراري صغار
22 اذا جبتي بنت في عزكم تتربة
واذا ولد قوليلو عليلو عمري بيه دار
23 وجايب ذو سطور حبيبك ياهيبة
عليلو جمال الدين نظم عنك لشعار
بقلم عليلو جمال الدين
ليست هناك تعليقات:
إرسال تعليق