جاهد بالإمان عالمنكر تقساح
عيني فاضت ودموع تصب مطار
منك فلسطين ماراني مرتاح
تجرح كبدي حين شفت هموم كبار
لمن نشكي بعلتي يبرو لجراح
نشكي للحجرة اللي دارت مسار
طال رجاها شحال هزمتها لڨراح
ابكي ياحجرة على مجد الثوار
شحال صبرتي مابقى للعون سلاح
لاعلا شي ڨلوب تخشع عڨب نهار
تحييها هبات من هذي لرياح
مڨلاعك مزال في حقك دوار
يرميك على روس لعدا بالكيفاح
صوتك رنن بين رمايا ويشار
رغم العدة وماتخاففي من سفاح
رغم صمت من العرب عزك مابار
حربك دايم صانعة صوتك صياح
ايدك يمنى كي رماتك بشعار
قلب معمر كان بالإمان رتاح
ڨالوعنك قاسية ذوك لقصار
ماعرفوش ڨلوبهم بيهم تقساح
ونتي حنيتي على يد سغار
لنتي من اجل لعداوة للكيفاح
بشهدلك تاربخ تشهدلك القدار
بدلتي بنيان بخيار لكيفاح
من روس لجبال لمدينة لحرار
من يد الاطفال لجسام لقساح
وخبي ياشجرة ثاير شاو نهار
راه وحيد بلا سواعد دون جناح
حڨروه جايرين ماعنوه بجار
متجرد مصاب دون حجار سلاح
منك فيلسطين مارڨدو لحرار
ماصابو من عانهم والامر قساح
لاجميعة عادلة فيها ڨدار
قي بيبان محلة بسم لجياح
مجلس امن لكل ڨالو ذيك دار
هوا يصنع مجدنا ويدير صلاح
قير تسنو ضرك يحموك لفجار
بلع فمك عند صهيون لمفتاح
لامن ڨال انا نكون لغزة جار
نحمي ارض القدس ونقيث لي طاح
قير فام مكمة لاعيب وعار
لاحرمة لادين طبع في لفراح
بكر بتطبيع هرول شاو نهار
وهدا دينك مات بين مسى وصباح
ابكي يامن فيك قطرة مالحرار
ودعي ربي لاقنا يعبا المشحاح
ياحرة كي تندبي ڨولي ماصار
ياولي بالويل واش ضنا لمراح
ياولي من قوم دلاق دفار
من راضي بصهاينا بايع لملاح
خليني راني هبلت وعقلي طار
عالقدس شريف فاض لكيل وساح
كان هبلت نكون من مجد ثوار
عند المولا نكون مقبول ومرتاح
اضعف ايمان مني لثوار
خير مني اللي تفرجو قير بللماح
كان سكت ماعان ماجاهد ماغار
كان هدر فالريح كالكلب نباح
ذلينا معاد فينا دم خيار
عدنا ضحكة للعدو واللي جياح
حبك فلسطين في ارض ثوار
نهديلك ابيات بدمعوي تقساح
من الجزائر شعبها عنك محتار
مضلومة او ضالمة يفدوك رماح
نهديلك سلام من وطن الاحرار
ولو نبقو قي حنا للعون رباح
نجاهد بالامان والقلب ولشعار
صبرني ونصبرك ضد سفاح
يتع....
ليست هناك تعليقات:
إرسال تعليق