ولكن في غلاكي عتاب
ياضهري إنتي يا سندي
ليه قافله في وشي الباب
اقول أمي تقولي ولدي
وحضنك بس للأغراب
ووقت الشده بيعدي
قصاد منك عذاب في عذاب
ولسه جميلة في عنيه
وحبك خالي م الاسباب
قتلتي الحلم في ايديه
ودهبك ليه في عنيه تراب
وعدلك ناقصه حنيه
ورافضه تواجهي اي حساب
قوليلي ياغاليه لو ينفع
ليه حلم الغلابه سراب
ليه غيري فيكي تستمتع
وانا عامله مابينا حجاب
إبنك لسه زي،غيري
ولا صبحت م الاغراب
وحتي الغربه وياكي
ياغاليه في المحبه عذاب
ومفقدتش أمل فيكي
وبعزم مافيه بناديكي
وليه حبي في يوم ليكي
في لحظه عنك إنتي غاب
وعشمان فيكي تناديني
بعينك مره تشوفيني
وتقري سطور دواويني
هتبصي ياغاليه تلاقيني
كاتب فيكي ألف كتاب
عشان مني وانا منك
ولو يقولولي ذاد سنك
اقول لأه دي لسه شباب
إمي مسيرها هتطبطب
هتراضي بعد متخبط
وعشمي فيها مش كداب
وسامحيني علي،عتابي
وانا هسامحك علي عذابي
وبلاش تاخديني لغيابي
وفرحتي فيكي بشبابي
تكون دايمه ونبقي أصحاب
بحبك رغم ألامك وجرحي
فيكي قدامك لو يرضيكي
ياحبيبتي هقول عادي ماهي
أمي وهقول انا برضه من عشمي
ياغاليه مني أنا ألاسباب
ياغاليه ليه فيكي عتاب. بقلمي سيد الهلالي
ليست هناك تعليقات:
إرسال تعليق