غاليني زى مأغاليك
وحطني برموش عنيك
زي مأنا حاطك وشاريك
عاشقك حتي بغيابك
وباب قلبي أنا قافله عليك
أحكيلي شاعر بحساسك
خليني دايماً براسك
أنفاسي تعشق أنفاسك
دوبني بشوقك وحنينك
وأرسمني على راحة إيدك
دا حبك في قلبى اتغلغل
أحساسي ممزوج باحاسك
اسقيني م الحب كاسات
وجالسني على مودك ساعه
خليني كلمه على لسانك
اسمعها قلبي يهواك
دى بحبك بشفايفي محبوسه
خرجها يا حبيبي ببوسه
لا اتشمت صافينار ولا نوسه
ولا دودي ولا سوسه وجلنار
أنا قلبي في هواك محتار
خليني حبيبي انا أختار
وبلاش أتسبني انا بحوسه
دى لعنة هجرك منحوسه
ببساطه انت اللي بقلبي
مش عاوز اداري ولا خبي
ولا ابقي ضد التيار
هاعلنها في كل الارجاء
تسمعها سوسو ورجاء
بحبك م الحاء للباء
وهقولها ورزقي على الله
يكفيني منك لو نظره
أو بسمه تمنحني حياه
ولا عمري هتنازل عنك
يا حبيبي ولو قولت الأه
أصلك بوريدي وشرياني
نبض بيمنحني حياه
لا يمكن أنساك و لايمكن
من دونك ما تكون لي حياه
سليم الغنام
ليست هناك تعليقات:
إرسال تعليق