01-ڨـتلك يا ڨلبي ستنصح وحيد
هاذ الغزال شنڨني ما جبرت خطاه
02-جراني فــي لـوعـار غاب و عَمٓد
شطنـي يـاسر مزالني نـجري موراه
03-كواني بنار خـلى نـارو تصهـد
بـلا سـبة زفـرني مـا عـرفت علاه
04-نكر الـعشرى حبـي ليه جــحد
هجرني و مشى كاتـم السر معـاه
05-هولني على فرقوا ماني متعوَد
مـن الفـراق ڨلبـي تكـوى مـڨواه
06-هـب ريح غرامو مابغي يهمــد
ذا لغــزال جـفاني و قهــرني بجــفاه
07-غيضي يتكاثر تلبدت سمايا ترعـد
أوتـار حُزني تَعـزف جاهل لٕتجاه
08-غـاب نْصيحي مــا جبرت مُـرشد
يرشدني لطريڨ الحبيب وين نلقاه
09-نسى الولف عليا قساح و رْتـَـدْ
ما عييت فيه نحاول جاهـيتو بالله
10-ظنيت حمان المحبة طفى وبرد
بيــا غــدر و تــمرد حـــبـي نســـاه
11-مرات نڨول بركاني مرات نَتْردد
تاعالله غالب يا خـاوتي سحرني بـهواه
12-ڨتلك يا ڨلبـي يكفيك ماتوَدَدْ
وتـاخل ف الحـبيب باقـي تترجاه
13-كـثر عـذابـي مـهول مْــغَوْدد
والحــب الواضـح حـب مــحلاه
14-يا ڨلبـي خُذ نـصايح و ســرد
الحـبيب لي حبيتوا أعطاني بكفاه
15-سهرني الليالي طـول ما نرڨــد
هـاج تــفكاري حتى عـظمي رشـاه
16-بغيتـوا يونسني في ڨلبوا نخلد
تركـني ومشى ظـنيت الـفاني غـواه
17- أستعصى و نكر المحــبة شــرد
فـــي سـوڨ التـــجار تْثــمن شــناه
18-ثمـار محبتنا تـسوس و فـسد
تلاح في واد الـمحاين خـوض مـاه
19- تلطخت النية نسيم العُشاق تـسد
و نسـى كي كـنا ڨبيلة يــا حســراه
20بـقيت مـحتار ومـعزول مـتْوَحد
شُغلـي ضايـع الشـوق سـمايا غـطاه
21-راح الجـافي تمنكر خـالــف الوعد
طعــني الْجُرحــي مــا جـــبرت دواه
22-للجُرة ماجبرت أثار ضُري يتعدد
عـليه ملهـوف نـتـرجى فـي رضـاه
23_بان الساس سور المحبة تــهــد
مكوي بالجمر خلاني ديما نـستناه
24-يا قلبي ماتكونش طابع عبد
ڨُــتلك اللـي نساك واجــب تنساه
25-بركاك مالحنانة و العذاب زَيد
الزين هارب مني ونت تجري موراه
26-رضى بقسمتك ياڨلبي ف الله شـد
يلا بغيت المـا الصافـي تبـع مجراه
27-مكتوبك في كتاب ربي مْجَرَد
لـي ماهو ليك يعييك يزيدك شقاه
بقلم أحـــمـــد مـــداح المكنى قلم التل
ليست هناك تعليقات:
إرسال تعليق