01-تسدت لبواب مشيت للغُربة متغرب
خـليت الواليدة تتوجع فــي غلـــبة
02-على. فراقي. نيران. كبدتها تلــهب
مــاهي طــايـڨة تنــسى ذيـــك الـرَحـبة
03_هجرت بلادي ربي وكيل المتسبب
زايـد هــاين عـــمري بــلا مــا نعـبــى
04-ركبت البوطي وسط مواج تتڨلب
تــايه فــالـبحر مكــان ويــن الــــهربـة
05-و بحري هــالك ظلمـة مــضطرب
القــــيت روحــي للـــحوت وجـــبة
06-لـمواج هايجة و العواصف تهـرب
تلفـت يـامي وليت مانحصي حــسبة
07-سامحيني يالواليدة عليك نغيـب
دعــي ربـي يــفرج عــليا ذا لكــربة
08-ادركنـي الهــم عــزمت نــهرب
أدركـني الهُـم مــا نفعـــوني قـــربــة
09-تسدت لبواب مــا لقيت منصب
فــض زادي مـــحتاج غــارق لرڨـــبة
10-مرارت معيشتي حالتي ماتعجب
قُــلة الـــشي عــملت فيــا عــــجــبة
11-ڨطعت بحور مغامر وانا نَتٓرعب
مـقهور من الفراق و بحـور الرهـــبة
12-مكتوب الـغُربة محتم عليا كتــب
ڨُلت نديـــر تاويــل مــشيت للــغُربة
13-بــيا شـر زمــاني مــا عندي مُرتب
هــجرت بــلادي بــاش نــدير الــرُكبـة
14-خليت الــوكر و هجرت المضرب
نــسعـى في بــلاد النـاس ذا لنـوبة
15ٓـلَظْـني الضيق في بلادي مستعجب
ياحُــزني علـى خير بـــلادي درڨ تــَرْبَى
16- من المستقبل ڨاطع لياس مَتْعصب
دينار بلادي رخــس الــتحت دَرْبَـى
17-العين تشوف حقي ضاع أنـــسلب
مانفعتني صنعة عايش معيشة الطلبة
18-صـديت للغُربة نــسـعى نسبب
كيس الـمحاين بالهموم ثقـل تَعْـبى
19-شهور و سنين على الوالدين متغرب
مــن فراقهم الــمـعيشة مُــــرة صـــــعبة
20توحــشت الـواليدة و لبلاد مـتعذب
راقــد علــى الشــوك مـتــوسد حـطـبة
21-السلام كلاني مرار الغٰربة يْشــــَيَبْ
رمضاني و عيادي ظلمة سماطت الرغبة
22-خليت فاطمة عـَـرْبيـٓتْْ النــــْسب
عماتني الڨاورية على فاطمة المتحجبة
23-مقيد مرهون بالكواغط و المكسب
الحق مـعاها تتـكلم يديروك في عــُـلبة
24-يالوليدة صلي و تــوســلي لــــــرب
تراب بـلادي يحضني نعـيــش رقــــبة
25-بيا تفرحي مـواج شوقك تــرتـــــب
بالفرض والسُنة خطبي لي بنت النَــسبة
26-الــبِيَٓة تحـضي غايتي وانــا غايــب
طــبـايعـــي بــدوي ولـــد الـــــشـطبة
بقلم أحــمد مــداح
ليست هناك تعليقات:
إرسال تعليق