غزالي بكاني و شعل فيا جمرة
هواه رشاني ارجعت اليوم عليل
كواني لونها مثلو يشبه المغرة
قد ما نشكي للناس والله قليل
منها وين نروح و الجرح ما يبرى
و دموع العشاق مقواه يسل
بلا بيها والله يا الدنيا الا مرة
غير باه نشوفها و لا مستحيل
نقصد في حبيبتي ضو القمرة
شكون بيني و بينها يكون وصيل
تخلي العشاق مني يدو عبرة
و نخلي العشاق يتخبلو تخبيل
اصلك يا النخلة تجيب غير التمرة
ما يهمني فالناس قالهم و قيل
ماني مهبول و لا مجنون نعرف نقرى
بين يديك اسير و نشالي بالمنديل
خصلة و عقل و اللسان مثل شفرة
سهرتني و خلات الليل يكون طويل
يا لايمني لا تلومني و اعذرني مرة
لو تدري تقول يا ويلي للويل
بنت الظل بنت اللباس السترة
و ناكر الحب يقول هذا غير شكيل
بقلم عبدالقادر بوجلطية
ليست هناك تعليقات:
إرسال تعليق