شين صحتي راني تعبان
من بعدك حبي نومي عداني
نخيل فيك دايم سهران
زينك ماشفته طول زماني
فحل الهدة شاو زمان
مصطاشه خط برية كاتبها مرجان
ذهب مصفي صادق لمعاني
الوقفة شبة يشنه بو قرنان
الطريق بعيدة فيها اجبال متان
واش يصبر خاطري حبك جراني
نرجاء في ليام تفتحلي بيبان
نرتاح بقربك ويطياب مكاني
تريح بالي يا عبدو وطفي النران
صابر للمكتوب قولو مقواني
لاحوني لبعاد عنك ياسيد الشجعان
قلبي شايش ليك وغرامك دواني
حب الرجا صعيب وش يصبرالعيان
ربي يفرج عني وتتحقق لماني
ويلقيني بعبدو في اقرب زمان
ندى الشعر
ليست هناك تعليقات:
إرسال تعليق