ريح الصفا بقلم الشاعر: عز الدين قاضي

ريــح الصفا ما ينبشها قـــرداش ...

وتولي حايرة في وسط ضرايــر ...

يــوم الرحلة ما يونســها نــباش ...

تلحڨ للباني ما تكويــه خصايــر ...

نهار الصح تتفركش كـي لعشاش ...

وتسول عنها تشوف واش صايـر ...

تتفرش من كل نـوع مـن فــراش ...

ومزينها ڨعدة كي ڨعدة لحصايـر ...

خلي ڨلبك حنين مايهـزو قـشاش ...

الدنيا بحوالها ما تزول عنها لماير ...

كل كلمة ليها بحسابك ما تفـراش ...

تسمع سمع الوذن تكثرلك لمعايـر ...

كونك كي الطير الحـر ما يخفاش ...

عنك من جاك يــوم الصــح زايــر ...

حتــى اليابسة فــي فمك تهشاش ...

تبلعــها مــرتاح ما يــركبـك جايــر ...

#شعر_عزالدين_قاضي