يا زهري قرب مرة و انساني
دقدق في بابي غير مرة فالعام
ما تقضي لبغلت بصح اسمعني
و نعوم في بحرك مانيشي عوام
ما شبهتك انا و انت ماتشبهني
على رب بلاك نرجعو كلي توام
نعرف نحرث و نزرع بابا علمني
علمني حتى الترقاع و التلقام
قلتلو يا بابا بالله انصحني
الوصية اللولى بلاك من النمام
و الثانية بلاك لازم تشورني
ما تعطي سرك من قصدك بغرام
و الثالثة اياك تشكي للمتهني
يوخر للوراء و يبيعك للقدام
و الرابعة العب و ازهى و دندن و غني
و شد لسانك خير ما تقتلك للفام
الخامسة لا تشري الغايبة ساعفني
و كون رزين و بعد كل حرام
بعد موتي ادعيلي و زيدأتفكرني
و اتهلى فالكبدة و ميمتك ما تتلام
ليست هناك تعليقات:
إرسال تعليق