01-بسم الله نبدا كلامي و نظم
صلاة وسلام على محمد الأمين
02-طلبتك ياخالقي حفظنا من ظلم
وحفظنا من هذا القرن الشين
03-بعض الناس للقبيح عادت تزدم
هتكو الشرع و حدود رب العالمين
04-عاد الظالم بدونية يجهر مايحشم
راهي الحالة تخوضت درڨوا العاقلين
05-ياذاك ظالم صحى بعقلك خمم
لاتحسب الله غافل على ظالمين
06-لبدى يجي نهار وين تندم
تبقى وحدك تتحصر حالك حزين
07-ياظالم دير رباط العقل و اللجم
دوام الحال من المحال كون فطين
08-حب الدنيا فتنة و ختبار يالفاهم
الفلك يدور مهما طالت لسنين
09-عيطة من ظالم بالقوة و نهزم
فالتالي منهم كانو ملوك و سلاطين
10-طغاو و نساو الخالق حسبوها تم
ذالدنيا فانيا وين راهم لــولين
11-شحال من حڨار مات مجرم
هذا... ربي جليل غرق.. الفراعين
12-ربي في كتابو حذرنا و عزم
فذكر. لعلا الذكرى تنفع المومنين
13-ويلك ويل بفعايلك يا لظالم
راهي تشهد عليك يوم الدين
14-يوم تـلقى كتابــك فيك يتكلم
كل شي بالبيبان و الملايكة شاهدين
15-راهي ليام و السوايع قلابة يابنادم
هكذا صبح حال بعض المــغرورين
16-لبسو ثوب الباطل حسبوه دايم
بفعايلهم الدونية راهم قهرو المسكين
17-نتاصرو عليا مصاصين الدم
حقـو ضايع هو يشوف بــالعين
18-مضرور.. لله صابر الهموم كاظم
هذي رسالتي لبعض ناس الفاسدين
19-فيـهم تلقاه لـصف لــول يڨدم
العبايا بيضة ويصوم الخميس ولثنين
تحياتي للجميع
بقلم الأخ أحـــمـــد مـــداح المكنى بقلم التل
ليست هناك تعليقات:
إرسال تعليق