موكب قفى يا العالي... محبوبي قرر السفر
هي والزايدة هبالي...بعدك ما باقي الصبر
واش يداوي لي علالي ....حاضر و طبيب مااحضر
بعد القلب فشلو اوصالي...وبعد غنى ولاالفقر
بعدن كنت بمقام عالي...عدت اناقر فالحجر
جف الدمع البر خالي ...بعد كان مثل البحر
محبوبي من سوم غالي...ولا قطعة من البدر
محبوبي ثمر الدوالي...خمرالروح اذا انعصر
.........
العين عينين غزال .....والفم صافي المرسم
والنيف من طرف جبال...والوجه ضاوي كالنجم
والقد نخلة تطوال...اثمارها فطور الصايم
والعقل يوزن ارجال...والقلب للي يحلم
.........
راني طالب اذا تسالي... و ترجّع لي العمر
واذا كانو جا مجالي...اذا متت هذالقدر
اغرسي نخلة حوالي...وزوريني عند القبر
واذكرني فالمشالي ...واقري عني فكل فجر
.........
الصاد من صيل ابطال..و الواو واد وداهم
والر راية شعال...واليا يمين العالم
والتا تريح البال...بها الختم ااافاهم
......
عمري واطوالت الليالي...يا خويا طال السهر
شاكي للطلبة علالي...قالو خانك الزهر
يا طلبة حيرو فحالي...واقرو عني كاش سر
يهديني ربي العالي... راني قربت للسفر
قبل ما يوصلي امجالي.. تنزل روحي كالمطر
جلول قيايدة
ليست هناك تعليقات:
إرسال تعليق