01-ملي شفتك يالعارم وانا متحسر
راكي هزيتي جوارحي بذيك الخزرة
02-يا ڨلبي بركاك ماتجحد و تبرر
نعرفك تميل و ما تتعقل لشورا
03-تميل تنسى عذاب الزين و تعثر
تتسرع و تميل للولف بلا حذرة
04-ماتعيب عيب فيه ديما تشكر
يا ڨلبي يهديك تمهل و زيد أقرا
05- لا تعجل فالحب و تسلح بالصبر
الحب يملك مولاه من أول نظرة
06-سباب ضري القايمة فا لمهجر
عينينها مدافع قتلتني با لشرة
07- سحرتني بخزرتها عقلي تْْنَمر
جربت و مزالني نجري خلف الجُرة
08-دڨتني بعينيها أجروحي سيل تمطر
وردة بيضا بين عينيا مصورة
09-مڨدودة عسلية و خدودها تمر
هلكني غرامها و حڨرني حُڨرة
10-كترو محايني عليها قلوق متوتر
لابرية لاتيليفون خلاتني في حيرة
11-شارب من حوض همومها ياسر
خلاتني نتعذب و الكبدة مجمرة
12-شطني غيابها راه طول و كثر
ساكنة بين ضلوعي تشبه الڨمرة
13-سكنت اللساني بيها نزلج و نهتر
أعذروني الله غالب ملكتني ذالعدرا
14-يا ڨلبي بركاك وليت طايع مستعمر
فيها تترجى وتستنى ذا لشاطرة
15-حبها في ذاتي طمى و نتشر
من غيرها محال أيلا كان نبرا
16-سير يا مرسولي شوراها وستخبر
يا مرسولي فيا خصل ودير جبرا
17-سال على وللفي صفرة الشعر
بنت المدينة قارية العلوم متحضرة
18-عيد عليها خباري قاوي مضرر
لاَطوٌلْ راني نستنى فا لبُشرة
19-البارح شفت منام جايا ما لسفر
متشوقة للجزاير و عايفة بلاد الكُفرة
20-جايا و تسقسي قاصدة المقر
ملتْ من الغربة و معيشة برا
21-لامتني بكلام زايدة فيا تقهر
دمعتها حرڨتني جرايا محدْرة
22-وحب الحبيبة للحبيب يالفاهم عذر
الحبيبة و الحبيب في جنان المحبة ثمرة
23-تراشقنا بالعينين حبنا زاد غزرْ
الڨلوب راقت صافية ما لغدرة
24-المحبة تجلب ما يبقاش سر
كان وصار و حديثنا با لهزرة
25-كان وصار ڨاع منامي تفسر
وانا زاهي بالعارم تضوي كالڨمرة
26-واللي تمناه أحمد صار وحضر
من جنان حبها أعطاتني وردة حمرة
27-وأرض. البــِيٌَة محرمها القَصْوَرٰ
غرامها زاد في غرامي نعرة
28-شلفاوية و شلفاوي حال عبلة وعنتر
حبنا يـكتبوه أقـلام لـتاريـخ ذِكْرى
بقلم أحـــمـــد مــــداح
ليست هناك تعليقات:
إرسال تعليق