وفي حياتي كلها مجبتش ورود
قالو اني بارده
واني عايشه في القيود
بس انهارده اشتريت حزمة ورود
علشانك انت بهديهالك
.....
جيتك بورده وبعترف
أنك أنت مختلف
أنك قتلت جوا قلبي
وروحي خوف
وغامرت وبقيت بأتلف
واسمع اغاني واكتب حروف
......
كتبت من ألمي الكتير
وجع وحسره ودبحت طير
إلا إنهارده بدأت اكتب للأمير
ولقاء مابينا تحت رزاز المطر
......
جيتك بورده وعليها مني
جواها احساس التمني
مرسوم ملامحي
وعطوري الي تحبها
....
جيتك بورده بلون خدودي
قلتلها لما تلمسي ايده قوليله
اني بعتله مع الورود
احساس نبيل لازم يصونه
احساس بخيل على الكل
لكن قولتهولو
احساسي اني ست
نسيته من زمن الطفوله
وشيلهوله
.....
وكمان يا ورده قوليله
الي مقدرتش اقوله
قوليله ليلى كان طويل
وشمسي طلعت
يوم ماقلبي وعنيا جم مالوله
....
عزه السيد
ليست هناك تعليقات:
إرسال تعليق