قاعد منفي من احبابي من بكري...كاتم سري شحال في قلبي كيات
احكي لي يا ليل واقرا لي شعري...اقرا لي ما قلت ذكرني بابيات
ذكرني ما درت انا في صغري....وفكرني بالزايخة ميرة لبنات
فكرني من كنت نلغاها عمري...اقصارت ايامها والروح افنات
نحفرهم اتوام قبرك وقبري....وندفن روحي حي من قبل الممات
نحكي عليام نشكي لك ضري....ونقارع في غيث يطفي نار اقدات
حبك دق اسهام قاوي في ظهري....ماني قادر علجفا كثرت ليعات
امر الله بيناتنا هذا قدري....امن بالي اقضاه افراح وشدات
نترجاك اخالقي تستر سري....وتغفر لي لي جاية والي مسات.
جلول قيايدة
ليست هناك تعليقات:
إرسال تعليق