** نظرة من عينيك **
.....................................................
01 – نَظْـرَةْ مَــنْ عَيْنِيكْ صَابّتْنِي في الـﭬَلّبْ
** سَهّــــــمْ عْيُونَــكْ صَــــابْ لاَ مَنْ يْرُدُو
02 – سَلْبَتْنِـــــي لَرْمَــاشْ عَّ اّلعَيّـــــنْ مْغَلَبْ
** وَالّخَانَــــةْ مَرْسُـــومْ وَشّـمْ عْلَـى خَدُو
03 – اّلشْفَايَــــــفْ وَرْدَاتْ بَنَّعْمَــــــانْ رْطُبْ
** وَلِّــــي هَايّـــــمْ فِيـكْ بَحّرْ عْلَـى جَدُو
04 – الّشْعَـــــرْ الّمَسْـــــدُورْ بَالّلَـــــوُنْ مْذَهَبْ
** ذَّ الّخَـــزْرَةْ خَلاَتْنِــــي هَايّــــمْ فِي وَدُو
05 – فِـــي حَالِـــي دَهْشَــانْ مَبْهُــورْ وّتَاعّبْ
** ذّ الّـﭬَلّـــــبْ الّمَمْحُـونْ جَنَــــــدْ جْنُودُو
06 – يــَـا عَيـَـارْ الزَيـّـــنْ ذّ الّطُفْلَــــةْ تَعْجَبْ
** وّيـــَــا عَيَــارْ الّزَيـــنْ كِي عَنِي جَحْدُو
07 – مَـــا شَافـّـــتْ عَيّنِـي ذّ اّلغْزَالَـةْ تَسْلَبْ
** رَمّشْ عْيُونَكْ طَيـّحْ الفَارّسْ عَّ جْوَادُو
08 – مَاصَبْتـَشْ كِيفَــاهْ سَكْنَتْيلـِي فِّ الـﭬَلّبْ
** يـَـا شَطَانـّـتْ خَاطْرِي سَعّدْ لِي سَّعْدُو
09 – ﭬـــَدَايّتْ نِيـــرَانْ فِـــي جَوُّفِـــي تَلْهَبْ
** يَــــــا وَلْفِــــــي وَعْـــلاَهْ زَدْتِـي تُوقَادُو
10 – يَـــــا طُفْلَــةْ يَهْدِيـكْ ذَا ﭬْلِّيبِــي تَعْطَبْ
** تْجَافِينِـــــي وَعْـــلاَهْ زَدْتِــي فِي عْنَادُو
11 – مَـــا نُرْﭬُـدّشْ الَّليّلْ مَـا نْفَعْنِـيشْ الّطَبْ
** لاَ طَالّــــبْ لَا طْبِيــبْ لَعْضَــــادْ يَصَادُو
12 – شَـــــطْ عْيُونَـــكْ فِيــــهْ هَالَكْ مَتْغَرَبْ
** نَظْــــرَةْ مَـــنْ عَيْنِيــكْ طَامَـعْ فِي وَدُو
13 – جَاوّبِينِـــــي بِّـــــالله ﭬْلَيّبِـــي رَاهْ تْعَبْ
** زَيْنَــــــــكْ يَــــــا طُفْلَـــةْ شَعَلْ رْمَادُو
14 – مَا نُذْكُـــــرْشْ سْمَـــاكْ بَحْــــرُوفْ نْرَتَبْ
** ذَكْـــرَكْ فَّ اّلخَاطَّــــرْ جَاحَّــــدْ عَّ اّلعْدُو
15 – وَنْلَــــمْ وْرَاقِـــــيَا مَــا نْزِيــــدَشْ نَكْتَبْ
** نَكْـــوَيِ هَـــــذْا اّلـﭬَـلّـــبْ يَنْعَلْ بُو جَدُو
16 – إِذَا كَـــــانْ جْفَيـّـــتْ يَـا وَلْفِـــي جَاوَبْ
** نَظْـــرَةْ مَــنْ عَيْنِيـــكْ نَفْهَـــمْ مُـورَادُو
17 – ﭬَـالَّتْ يَـــــا مَحْبُـــوبْ لّـﭬْـلِّيبِــــي ﭬَرَبْ
** رْمُوشْ عْيُونِـي لِيـكْ غَطُــــوكْ وْرَﭬُـدو
18 –فِي حُضْنِي نْدَفِيكْ حْلاَلي ( لَا تَّعْجَّبْ )¹
** لَـــــــــوْلاَ خَــــوُّفْ الله لِيكُـــمْ نَسّجْدُو
19 – دَاوِينِــــي بَـــدْوَاكْ لَّجْــــرَاحْــي طَبَبْ
** سَمَعْنِـــي لَّــــــــوْزَانْ نْلَحَــــــنْ وَنْعَدُو
20 – غْرَامِــي فِيـكْ جْنُونْ ﭬَـلْبِي لِيـكْ هْرَبْ
** سَاكّنْلِــي فِّــي الّجَــوُفْ لَا حَـــدْ يْرُدُو
21 – مَا نْجَــافِي مُوحـَـالْ مَــا نَعْرَفْ نَكْذَبْ
** وَاذَا جْحـَــدَتْ عْلِيـكْ جَحْدَاتْ يْفِيدُو
22 – مَــــا نَبْغِيــــشْ عْلِيــكْ ﭬَـلْبَــكْ يَتْعَذَبْ
** مَـــا نَبْغِيـشْ عْلِيــكْ يَاسَّرْ مَنْ حَسْدُو
23 – يَـــا وَلْفِـــــي بَرْكَــاكْ وَفِّيــــتِ اّلمَطْلَبْ
** تْفَاجَـــــا ذَّ اّلخَاطَّــــرْ هَــــــدَمْ سْدُودُو
24 – هَــــذَا ضَنِـــي فِيـــكْ مَانِـــي مَتْعَجَبْ
** مَـــنْ مَثْلَـكْ مُحَـــالْ مَنْ يَجْرَحْ كَبْدُو
25 – يَـا بَنّـتْ الأُصُـولْ مَـﭬْـوَاهْ هــَذْ اّلـﭬَـلّبْ
** إِذَا هَايّــــمْ فِيـــكْ حْلِيلُــــو يَــا سَعْدُو
26 – وّنَخْتَـــمْ هَــذْا الّـﭬَـوْلْ عَّ اّلصَـحْ مْرَتَبْ
** سَهَلْهَــــــــــا تَسْهَـــــالْ بَلْغَــــــازْ نْفِيدُو
27 – يَــــا سَامَــعْ لَقْصِيـــدْ يَــا فَاهَمْ حْسَبْ
** تَارِيــــخْ اّلمَنْظُـــومْ كِـــــي خَطُو بِيدُو
28 – ( اَبْـــــدَاهَا بَاّلكَــافْ زِيـــدْ اّليَــــا رَتَبْ
** شِّيــنْ وَشِّيـنْ وَكَـافْ تَمْيَتْ تَجْرَادُو )²
29 – بْنَسْبِــــي مَعْـــرُوفْ لَّنْوَاصَــــــرْ نَنْسَبْ
** مَــــــنْ سْلَالَــةْ لَّشْـرَافْ بَيُوُو وَجْدُودُو
30 – جَلاَلِـــي جَمَـــالْ عَرْبِــــــي وَلّــدْ عْرَبْ
** وَّعُشَـــــــاقْ اّلمَلْحُـــونْ عْلِينَــا يَشَهْدُو
31 – سَــالْ عْلِيهُــمْ ﭬَـاعْ اّلحَاضَّــرْ وَّاّلغَايَبْ
** مَــــــنْ حَبُونَــا فِّـــي الله عَنَا مَا صَدُو
32 – دَعْــــــــوَايَـــــــا لله مَتْوَجَـــــــهْ لّلربْ
** يْشَافِـــي كُــــلْ عْلِيــلْ يُوفِـى مُــرَادُو
#جلالي_جمال يوم : 2020/10/20
شرح المفردات :
(1) : لا تتعجب
(2) : انظر الجدول المغربي
ليست هناك تعليقات:
إرسال تعليق