كثر همي والقلب ما طاق يلاوي...واضحى عقلي عليل من كثرة لمحان
ارشدني يا الاه لا كاش مداوي...وانت داري الغايبة عن كل عيان
.........
انت داري بهوج بحري...وانا وامواجو نعافر
ما نفعوني رجال نعري.. ولا غربا ونا مسافر
ماني جندي نطيق نجري ...ماني قاري علوم ياسر
........
ولفي يا لي جافيني ولا ناالجافي....زعما من كلامي جرحك ومازلت غيضان
وانا نشوف نورك شاعل نوّر الفوافي.....وانا اعييت ما نستناو قادية النيران
اسمع يا الجافي شرف تلقى الجو صافي...لا حقد لاضغينة عند ي ولا كلام فتان
تلقى باب قلبي فاتح تلقى الحال دافي...نبتة معزتك في قلبي وعلالها البنيان
لا تقول ذا خلاني ولا تقول جافي....هي امحبتك حافضها بيناتنا القرأان
والعهد كان ليا ترجع نصفاك رجل حافي...ما نبدلك بعوارم ولا كل نسوان
......... .
شافت لي بعيون كي المدفع فالحرب.... تتفرقع منها المشاهب والنيران
يا ويح اللي شافها منها قرب...سهم العين العاشقة يحرق لبدان
ما نحكي لك ذا البلا سال مجرب....عايش ليلي بطولها قلبي سهران
نبكي ملمحان والدمع يدهرب....داير مارة في خدودي كلويدان
واش يطفي نار عينيها تلهب... واش يطفي ليعة العاشق حيران
.......
ادعيتك انت يا الراعي...والراعي الاهنا سيد لكوان
والراعي فالبلاد ساعي...والساعي فالخير عمرو ما يتهان
والراعي اذا كان واعي...ما تهمل رعيتو و ما تتخان
والراعي كل يوم داعي ...احفظني يا خالقي نا والاخوان .
جلول قيايدة
ليست هناك تعليقات:
إرسال تعليق