..،،..،،..،،..،،..،،..،،..،،
راح ارقص واخطي برجلي
على عجز اهلي معايا وفقري
كمان هاتحطب مع زماني
وارحل في الهوا طاير
وشمسي ماتتخبى خلف ستاير
وامسح بالضحكه احزاني
هاتحنجل واتحايل على همومي
وانسى أنها مهلهله هدومي
وامسح من دنيا الغدر عنواني
صغير السن لسه انا عارف
وكابش نار ومن الهم غارف
هارسم جناح و ابدل مكاني
عيوني فيها حلم لكن عني بعيد
احزن لما اصحى على حزن جديد
ليه يا زمان حابب تتحداني
رايح يقوى من ظلمك عودي
كيفي كيف أصل جدودي
لكن أعترفلك أحلامي وجعاني
عصاي ولسه صغيره في يدي
وكل ماكبر راح تكبر دمعة خدي
لكني هارجع اغمض و احلم تاني
عشت الهم فاللفه من بدري
وعلم الجرح والغدر في ضهري
ضحكات سني اكيد انها وحشاني
اكيد الفرح للقلب جاي
واعزف لحني على الناي
وتتحقق فرحتي والاماني
حسن سعيد إبراهيم
نبض 💓 يكتبه 📝
ليست هناك تعليقات:
إرسال تعليق